ربنا بيحبك ولا بيكرهك ..؟
السلام عليكم ورحمه الله وبركاتــــــه
حاسس انك ضايع في الدنيا ..؟
حاسس ان ربنا زعلان منك ..؟
بتكلم ربنا وبتدعيلو بس مش بيرد عليك ..؟
====================الأول لازم تسأل نفسك شويه اسئله ..
انا بصلي بشكل دائم ومنتظم ولا لا ..؟
أخلاقي عامله ازاى ..؟
بشتم ؟ بسب الدين مثلا ؟ علاقتي ايه باأهلي ..؟ هل انا بار بيهم ولا عاق ؟؟
بحب الناس كلها ولا بحقد عليهم ؟؟ بخيل ولا كريم ؟؟
لازم تقارن نفسك بكل الصفات الوحشه عشان تقدر تحسنها ..
===============================
طيب لو انا مفيش فيا الصفات دي والصفات السيء الي ربنا مش بيحبها ايه الوضع ساعتها ..؟
==========================
انتا لما تكون زهقان ومخنوق من الحياه .. وده وضع كلنا بنمر بيه في اوقات كتير ..
ممكن بتتصل بواحد صحبك عشان تخرجو وتشم هوا وتفرفش شويه
ممكن تدور علي اى حاجه تعملها تدور علي اى حاجه في الكمبيوتر او التليفزون ...
وممكن تعصي ربنا كمان ...
______________
طيب جربت تكلم ربنا بدل من صحبك ؟؟؟
جربت تشتكي لربك الي عارف حالتك كويس من غير متتكلم ؟ عارف انتا عاوز تقول ايه من قبل متفكر ؟؟
صدقني يبقي فاتك كتير اوي .. لو مكلمتش ربنا قبل كدا وتشتكي همك له ..
لما تحس انك مخنوق وانك زهقان من الدنيا كلها
انصحك انك تعمل كدا
تقوم تتوضا وتصلي ركعتين لربنا وتحاول تتطول في السجود .. وتطلع كل الي
انتا عاوز تقولو لربنا في السجود حتي لو هتقعد ساعه ربنا هيسمعك ومش هيزهق
منك بالعكس هيحبك اكتر ....
اهم حاجه الخشوع في الصلاة وانك تكون مواظب عليها
بعد متخلص الصلاة قوم اطفي نور الأوضه الي انتا قاعد فيها
بعد كدا نام وبص فوقيك ..
وابدأ بعمل الأتي :-
خد نفس عميق
غمض عينك ...
كلم ربنا كاأنك شايفو... تشكيلو كل همك
تدعي له من قلبك
تدعي ربنا انو يبعدك عن المعصيه
استغفر ربنا ولو تقدر كرر استغفر الله العظيم 100 مره .. هتحس براحه صدقني
ادعي ربنا يوفقك في الدنيا ... وادعي ربنا يرزقك السعاده ...
------------------------
خلي بالك ...
ربنا سامعك وعارف الي جواك ايه ... بمعني بلاش تفكر بطريقه المصالح ...
لما ربنا يفرجه عليك تبعد عن ربنا تاني ...استخدم اسلوب المصالح مع اى حد إلا ربنا
انا حاسس كدا انك بدأت تمل من الكلام وتقريبا حفظته ..
طيب ايه رائيك نسمع كام حديث عن النبي صل الله عليه وسلم .. وخير الكلام ما قل ودل ..
عن أبي هريرة وأبي سعيد الخدري رضي الله عنهما، عن النبي قال: { ما يصيب
المسلم من نصب، ولا وصب، ولا هم، ولا حزن، ولا أذى، ولا غم، حتى الشوكة
يشاكها إلا كفر الله بها من خطاياه } [متفق عليه] واللفظ للبخاري. والنصب:
التعب. والوصب: المرض
==============================
وعن عائشة رضي الله عنها قالت: سمعت رسول الله يقول: {ما من مسلم يشاك شوكة
فما فوقها إلا كتبت له بها درجة، ومحيت عنه بها خطيئة } [مسلم].
ايه معني الكلام ده ؟؟
يعني انا لما بدعي ربنا
ربنا بيشل عني الهم وكمان بيسمحني علي ذنوبي .!!
قد كدا ربنا كريم ....؟
ممكن بقي تجرب الكلام الي انا قولتهولك فوق ده ..؟
وعَنْ أنس رَضِيَ اللَّهُ عَنْهُ قال، قال رَسُول اللَّهِ صَلَّى اللَّهُ
عَلَيْهِ وَسَلَّم: <إذا أراد اللَّه بعبده خيراً عجل له العقوبة في
الدنيا، وإذا أراد اللَّه بعبده الشر أمسك عَنْه بذنبه حتى يوافى به يوم
القيامة>
بمعني ان العبد لما بيتبلي في الدنيا ده دليل علي ان ربنا بيحبه ومحضره خير وجزاء كبير في الأخره ...
بس الصبر الصبر ثم الصبر ثم الصبر
لو كملت الموضوع للنهايه .. وحسيت بشعور جميل وقررت انك تتغير
وتتقرب من ربنا عن طريق انك تكلمو وتعمل كل الي أمرك بيه ..لازم تعرف ان ربنا بيحبك جدااا
